Mae sawl gwahanol reswm dros wirfoddoli, o gwrdd â phobl sy’n rhannu eich diddordebau, i ddatblygu sgiliau a phrofiad a allai helpu eich gyrfa. Gallai rhai gwirfoddolwyr ymrwymo i gynnig cryn amser, yn gyson, ond efallai y bydd llawer ond yn gallu helpu am ychydig o bryd i’w gilydd.  

Bydd angen ichi ystyried pa gymorth sydd ei angen arnoch o ran sgiliau, profiad ac amser, a sut y byddwch chi’n rheoli eich gwirfoddolwyr. Beth fyddan nhw’n ei dderbyn fel diolch am eu cymorth? Gallwch greu cyfleoedd cyffrous, cynnig cefnogaeth a meithrin eich pobl.  

Bydd angen ichi baratoi eich mudiad i weithio gyda gwirfoddolwyr. Dyma’r paratoadau:  

• rhoi polisïau ar waith
• creu systemau ar gyfer eu cofrestru a thalu treuliau.
• gwirio bod eich yswiriant yn ddigonol ac yn ymdrin â gweithio gyda gwirfoddolwyr
• cyflawni asesiadau Iechyd a Diogelwch ar gyfer rolau gwirfoddoli.

Mae yna hefyd agweddau ymarferol y bydd angen ichi eu dwyn i ystyriaeth m gis ble byddan nhw’n mynd ar eu hamseroedd egwyl, pa hyfforddiant gallwch chi eu cynnig, gallu eich mudiad i’w rheoli; pa adnoddau fydd eu hangen arnoch.

Mae Ymddiriedolaeth Amgueddfeydd Ceunant Ironbridge wedi llunio Pecyn Cymorth i Wirfoddolwyr sy’n ddefnyddiol dros ben i’w ddilyn os ydych chi ond yn cychwyn arni. Mae ganddo dempledi a rhestr o’r polisïau y gallai fod eu hangen arnoch i ddatblygu. Mae’n berthnasol i bob math o sefydliadau treftadaeth, nid dim ond i amgueddfeydd. 

Mae Know How Non-Profit hefyd yn cynnig awgrymiadau arbennig – sut i sefydlu rhaglen wirfoddoli  

Gwelwch ein Pethau i’w Hystyried pan fyddwch yn sefydlu rhaglen wirfoddoli  

Mae Cyngor Cenedlaethol Mudiadau Gwirfoddol yn darparu gwybodaeth ddefnyddiol am y broses recriwtio gwirfoddolwyr. 

Gallwch hysbysebu eich cyfleoedd gwirfoddoli drwy eich canolfan wirfoddoli lleol Adnodd Canfod Canolfannau Gwirfoddol a gwefannau eraill:  

• Do-it
• Timebank
• Reach – dod o hyd i wirfoddolwyr medrus 
• Volunteering Matters

Os hoffech chi recriwtio’n lleol, ewch a phosteri neu daflenni i siopau coffi, adeiladau ffydd, canolfannau cymunedol, canolfannau hamdden  a llyfrgelloedd. 

Mae pobl o bob oedran a chefndir yn angerddol dros dreftadaeth ond eto i lawer o sefydliadau a phrosiectau treftadaeth mae diffyg amrywiaeth yn y timau gwirfoddoli a’r cyrff llywodraethu. Yn wir mae nifer o fudiadau’n mynd rhagddi i geisio dod o hyd i ymddiriedolwyr a gwirfoddolwyr medrus iau sydd hefyd yn fwy cynrychioliadol o’r cymunedau maen nhw’n gweithio gyda nhw, neu o ran lleoliad eu prosiectau adeiladu, yn enwedig yn rhai o ddinasoedd ac ardaloedd trefol y DU.    

Yn Ne Lloegr, cynhaliodd y Cynghorau Gwasanaethau Gwirfoddol lleol ymgyrch i annog elusennau a grwpiau nid-er- elw i fwrw golwg ar ba mor amrywiol yw eu gwirfoddolwyr. Maen nhw’n darparu proses syml ar gyfer nodi diffygion a thargedau ac maen nhw hefyd wedi llunio taflen.  

Maen nhw’n argymell mabwysiadu datganiad amrywiaeth a’i ddefnyddio ar eich gwefan (mae’r datganiad isod gan NCVO):  

‘Mae ein mudiad wedi ymrwymo’n gadarn i gynnig amrywiaeth ym mhob maes o’i waith. Rydym yn credu bod gennym lawer i’w ddysgu ac elwa o ddiwylliannau a safbwyntiau amrywiol, ac y bydd amrywiaeth yn sicrhau bod ein mudiad yn fwy effeithiol wrth ddiwallu anghenion ein holl randdeiliaid. Rydym yn ymroi i ddatblygu a chynnal mudiad ble caiff syniadau, galluoedd, cefndiroedd ac anghenion gwahanol eu meithrin a’u gwerthfawrogi, a ble mae’r rheiny sydd â chefndiroedd a phrofiadau amrywiol yn gallu cymryd rhan a chyfrannu. Byddwn yn gwerthuso ac yn monitro ein cynnydd tuag at amrywiaeth yn rheolaidd.’  

Ar hysbysebion recriwtio maen nhw’n argymell defnyddio delweddau cadarnhaol o bobl maen nhw’n awyddus i’w denu a chynnwys geiriad penodol:  

‘Rydym yn croesawu ymholiadau gan bobl ledled y gymuned leol, waeth beth fo’u cefndir neu eu profiad.’ ‘Rydym yn croesawu ymholiadau gan bobl anabl yn arbennig.’   

Sut i ddatblygu cynllun gwirfoddoli hollgynhwysol, gyda chymorth 

Er mwyn recriwtio o grwpiau targed penodol, mae’n rhaid ichi farchnata’r  cyfleoedd iddyn nhw mewn mannau ble bydd eich hysbyseb yn amlwg. Gallai hyn olygu: mewn papurau newydd cymunedol, mewn llyfrgelloedd, adeiladau ffydd, siopau coffi, mudiadau cymorth, mewn ysgolion, colegau a phrifysgolion ac mewn digwyddiadau lleol.  

Know How Non-Profit – Sut i ddatblygu cynllun gwirfoddoli hollgynhwysol, gyda chymorth

Know How Non-Profit – Astudiaeth achos annog amrywiaeth yn y byd gwirfoddoli

Gwelwch yr adran canllawiau ar brosiectau treftadaeth hollgynhwysol   

Gwelwch y canllawiau ar sut i ennyn diddordeb pobl ifanc yn eich prosiect treftadaeth 

Mae gwirfoddoli ymhlith gweithwyr yn wirfoddoli sydd wedi’i gefnogi gan gyflogwr, naill ai yn ystod amser gwaith neu y tu hwnt i oriau gwaith. Os oes gennych chi brosiect sylweddol sy’n gofyn am rym pobl a mewnbwn nad yw’n arbenigol, megis peintio wal, pacio gwrthrychau, clirio ardal, gallwch gysylltu gyda chyflogwr sylweddol yn lleol i weld os hoffen nhw gynorthwyo a threfnu tîm. Mae’r pwyslais ar waith tîm. Mae Ymddiriedolaeth Amgueddfeydd Ceunant Ironbridge wedi llunio Pecyn Cymorth Cyfrifoldeb Cymdeithasol Corfforaethol (CSR).